June 9, 2022 (Ningani) khan Relief & Development Department Committee Meeting neih a ni a. Meeting hi President Rev. R. Zolawma’n kaihruaiin Director, Rev. L. Vanlalsanga’n report tlangpui a pe.
Director Report in a tarlan zingah - Lawngtlai Area TKP Coordination Committee te nen thawkhovin Rilru hrisel nei tura inzirtirna leh Kristiante thlirna atanga Population Growth chungchang inzirtirna Siahaah neih a nih thu te, Myanmar Raltlante Camp hrang hrang – Thaizawl, Hauruang, Vanhne, Phairuangkai leh Hawulawng-ah te, an mamawh hrang hrang ei tur leh bungbel te, nitin mamawh leh thawhmnaw te sem an nih thu te, Tailoring Graduation Service May 21, 2022 ah neih a nih thu te, CASA nena thawhhona “Initiatve for Peace and Economic Development Project (IPED)” hnuaia Programme hrang hrang – Food Security Programme, Farmers Group, Youth Group leh Peoples’s Organisation programme kalpui a nih thu te, Self Help Group te pualin Training leh Seminar buatsaih thin a nih thu te, Canadian Baptist Ministry te nena thawhhona-in Sustainable Community Development Project kalpui tan a nih thu te leh Phuaibuang Rial tla avanga chhiatna tuarte tanpui nan cheng 136,000/- pek a nih thu te tarlan a ni.
Meeting
ah hian Puanthui zirna hmun chei that chungchang te, Puanthui zirte nitin-a an zir hun chhung bituk te, Bungraw
hlui senghawi leh tih ral dan chungchang te relin ngaihtuah a ni a. R&D tirha
GNM zirlai te awmna, CMC Pithapuram leh B.Sc Nursing zir lai te awmna Kaikinda
te tlawh turin mi 2 emaw 3 emaw kal ni se tih te, Planning Commission ruahmanna
bawhzuiin Skill Training lama hma sawn zelna atan Alluminium Fabrication zirna hawn
ni se tih te, Assembly 2022 in a phal angin Assistant Coordinator Post atan
advertisement siam ni se tih te rel a ni bawk.