Kristian Naupang Pawl, North Vanlaiphai Pastor Bial chuan a vawikhatna atan July 2, 2022 Inrinni nileng khan BCM Biak in, N. Vanlaiphai ah KNP Promoter K. Lalramthianghlimi Speaker-a hmangin Inkhawmpui an nei a. Inkhawmpui ah hian Speaker bak ah Nl. Rebek Vanlalngheti, Speaker, Christian Prayer Ministry, Nl. T. Lalțhakimi leh Nl. B. Lalbiakzuali te thusawi leh zai a rawngbawlna te neiin an tel bawk.
Inrinni chawhma in, Pathian Biak inkhawm leh intihsiakna hun hman a ni a, Speaker-in thuchah a sawi a, knp unit hrang hrang zaipawl ten intihsiakna neiin, malzai leh recitation ngaihthlak a ni bawk. Chawhnu lamah fellowship hun hmang chhunzawmin, hetah hian BCM Thurin Puanchhuahna sawia intihsiakna neih a ni a, Fellowship banah ruai thehin KNP Inkhawmpui-a kal zawng zawng ten ruai an kilho a ni. Zan lamah Inkhawm chhunzawm in Speaker hnen atangin thuchah ngaihthlak a ni a, Intihsiakna lawmman hrang hrang te sem a ni a, Inkhawm banah inkhawmpui hi a tiak ta a ni.
KNP Promoter
leh a rawngbawlpuite hi Pathianni cham chhunzawmin, BCM North Vanlaiphai
Kohhran ah hun an hmang a. Zing inkhawmah Nl. Rebek Vanlalngheti’n Mission
Sunday pualin thuchah a sawi a. Chawhnu lamah hian Bial chhung KNP hruaitu te
pualin K. Lalramthianghlimi, KNP Promoter hovin ‘KNP hruaitu training programme’
hman chhunzawm a ni a, Zan lamah pawh KNP Promoter hian hun hman chhunzawm lehin
‘BCM rawngbawlna pawimawh Kristian Naupang pawl’ tih hmangin thuchah a sawi a
ni.
