Christian Hospital report - June 2022

Director, Medical & Health Department report in a tarlan dan in-  June 2022 chhungin Christian Hospital Serkawn-ah damlo 1274 in entirin, an zinga 232 admit an ni a, nau piang 30 an awm lain mitthi 5 an nei thung. Report kimchang hetiang hi a ni: 

Hospital Poor Patient Fund atan Rs 1,86,000 mi thahnemngaite, pawl leh Kohhranho te atangin dawn a ni a,  TKP, Chhipphir Pastor Bial atangin thisen Unit 45, NSS Unit BHSS atangin unit 83 leh TKP Zotlang Pastor Bial te hnen atangin Thisen Unit 24, a vaiin unit 152 an dawng bawk.  

BCM Sponsor-a CMC Vellore a PG zir te - Dr LH Lallawmsanga chuan MS General Surgery zovin Dt 16.06.2022 Ningani atang khan a hna a rawn zawm a, Dr Lalhmingsanga pawhin MD General Medicine zovin Dt 01.07.2022 khan a rawn zawm ve ta bawk.

Dr Laldinsangi Hnamte chuan deputation a MD Pathology University of College of Medical Sciences, New Delhi-atanga tha taka zir zovin Dt 16.06.2022 khan a hna a rawn zawm bawk.

Dr Rosy Lalhriatpuii Pukpui chuan Government Medical College & Hospital Aurangabad-atanga MS Obs & Gynae zovin Doctor Specialist atana lak thar a ni a, Dt 01.07.2022 atangin a rawn zawm.