S. Vanlaiphai Pastor Bialah Sunday School Meet neih a ni.

July 2, 2022 (Inrinni) khan Christian Education Department, Headquarters-in ruahmanna a siam angin, S. Vanlaiphai Pastor Bial huap, Sunday School Meet, BCM Biak In, Sikulveng-ah neih a ni a. Resource Person atan Upa K. Lalnuntluanga, Serkawn kalin, Pu R. Lalruatpuia’n a tawiawm bawk.

Sunday School Meet-ah hian Intermediate leh Senior ‘A’ zirlaite atangin 96 an kal khawm a. Inrinni nilengin hun hman a ni a. Tunlai Tleirawlte leh Thalaite hmachhawn - ruihhlo leh sualna hrang hrang atanga inven fimkhur dan leh inthiar fihlim dan tur te, Pathian thu taka inzirtirna te neiin hun an hmang. 

Upa K. Lalnuntluanga hian Inrinni zan lamah Tualchhung Kohhran Inkhawm BCM S. Vanlaiphai-ah thuchah sawiin hun a hmang zui nghal a, a tuk Pathianni zing leh zanah ah New Kawnpui Kohhranah hun a hmang. Pathianni chawhnu-ah BCM Biak In, S. Vanlaiphai-ah Bial huap Sunday School zirtirtute nen inpawlhona neiin, Sunday School zirtirna kawnga zirtirtuten an hriat tur pawimawh tak tak te sawihona neiin hun hman a ni.