Mizoram Baptist Kohhran hruaitu te Rev. Dr. R. Zolawma, President, Rev. R. Lalbiakliana, General Secretary leh a nupui Dr. Irene Colbert leh Pu Lalruatkima, Administrative Officer te chu Baptist World Alliance (BWA) Annual Gathering, July 9-15 chhunga Birmingham, USA-a tel turin tunkar Thawhtanni, July 4, 2022 khan Headquarters Serkawn chhuahsanin an kal.
BWA Website -in a tarlan dan-in, July 9 (Inrinni) hian BWA Executive Committee a awm ang a, Pathianni chawhma-ah Birmingham khawpui-a Local Church hrang hrangah insem darhin an inkhawmpui ang. Chawhnu lamah Region hrang hrang Secretary te’n meeting neiin tlai lamah palai te inkhawmhona an nei ang. July 11, Thawhtanni-ah BWA aaaward hrang hrang semna te, BWA hnuaia wing hrang hrang BWA – Women, BWA Men, Human Resources, BW-AID, Humanitarian ten a hrang theuhin Meeting leh Discussion hun an hmang ang a, July 12-15 chhungin nitin chawhma lamah General Council Meeting neih a ni ang a, Chawhnu lamah Issue hrang hrang sawizauna neiin, heng Issue hrang hrang te BWA anga hma chhawn leh thlir dan tur (Response) an siam ang. Tun tuma an Issue sawi tur zinga lian zualah Ukrain Indona chungchang te, Khawvel remna leh muana chungchang te, Chi leh hnam in tluktlanna chungchang te chu Issue lian leh langsar te an ni ang.
Annual Gathering-ah hian BWA hnuaia rawngbawlna peng hrang hrang-a hotute leh Region hrang hranga hruaitute an kal khawm thin a, General Council Meeting bakah Commission hrang hrangah inthenin Discussion Progamme te an siam thin a ni. General Council hi BWA hnuaia Committee Body lian ber niin he meeting-ah hian BCM hi member kan nih angin President leh General Secretary te an tel thin a ni.
Baptist World Alliance, hi kum 1905 –ah din a ni a, tun dinhmunah
BWA hnuaiah Khawvel pumah ram 128 atangin Kohhran 173,000 chuang awmin member
maktaduai 49 zet an awm a ni.