July 5, 2022 (Thawhlehni) khan Baptist Today leh Kohhran Beng enkawlna-a mawhphurtu ber-Editorial Board Meeting, BCM Committee Room-No.1 ah neih a ni a. Meeting hi Rev. R. Lalnunzira, AGS – Service-in kairhuaiin Rev. Dr. F. Lalsangliana, Editorial Board Secretary-in report a pe bawk.
Secretary Report chuan June 2022 thlenga Kohhran Beng leh Baptist Today dinhmun tarlangin, Baptist Today Copy 14,000/- chhut a nih thu leh Copy 13,821 chu subscriber te hnenah thawn chhuah a nih thu te, Kohhran beng Copy 12,500/- chhut niin, copy 12,007 thawn chhuah a nih thu a tarlang.
Thurel zingah Kohhran Chanchinbu pahnih te kal zel dan tur
leh hmasawnna tur hrang hrang sawiin, Kohhran mi tam zawkin an chhiar a, Kohhran
Chhungkaw tin a thlen theih nan hma lak ni se, a tul angina a copy te pawh tihpun ni se an ti a. Hemi atan hian
Pastor Bial tinah Bialtu Pastor te nen tang tlangin Campaign pawh buatsaih ni
se an ti bawk. Article ziak chungchangah hmasawnna a lo awm theih nan a ziak tu
tur mumal taka ruat ni se an ti a, Kohhran
Beng a Upa Sunna dah thin pawh tun aia changtlung zawk a kalpui a nih theih nan
ruahmanna thar siam ni se an ti bawk.