Report kan hriat theih chinah heng a hnuaia BCM Recognised Team te hian rawngbawlna hetiang hi a ni:-
# Horeb Ministry chuan Speaker Upa Lalhriatpuia hovin BCM Chawngtui South ah Camp Vawi 3-na Vantlang Camp neih chhunzawm lehin Campers 62 an lut tunkar ningani khan hlim takin an chhuak.
Zirtawpni leh Inrinni hian zan khat riakin, KNP Pual Camp an neih chhunzawm leh nghal a, Inrinni zan atanga Pathian zan thleng Follow-up an neih chhunzawm ang. Kohhran ten Pathian khawngaih changin an hlimin boruak a ṭha hle.
#Team Logos: Speaker Rbt. Andrew Lalhmachhuana Fanai hovin BCM Bualte Kohhranah July 2,2022 atang khan Camping leh Crusade neiin hun an hmang mek a. July ni 4 atanga ni 7 thleng kohhran nawlpui camping neih niin campers 74 an awm a, July ni 8 zirtawp khan zankhat riak KNP pual Camping neih a ni bawk. Speaker leh Team member 6 kalin rawngbawlna an nei mek a ni.
