July 1, 2022 (Zirtawpni) chawhnu dar 1:00 khan Higher & Techincal Institute, Mizoram (HATIM) chuan, College Campus Kawmzawl-a HATIM Auditorium-ah Mizoram University Exam 2022 result chhuaka an College atanga Zirlai tithate chawimawina, Felicitation Programme an hmang.
Zirlai tithate Chawimawina hi Pu R. Lalnunthara, Vice Principalin a kaihruai a, Rev. Dr. R. Lalthanmawia, Associate GeneralSecretary-Mission-in Pathian hnena inkawltirna hun hmangin Pu V. Vuansanga, Principal-in Zirlai University Exam-a Top-Ten a lang te hming tar langin, hmelhriattirna a nei a, Rev. R. Lalnunzira, AGS Service in Thuchah tawi a sawi hnu-ah Zirlai tithate hnenah chawimawina leh lawman hlanna neih zui nghal a ni a, Rev. R. Lalbiakliana, General Secretary-in Zirlaite fuihna leh duhsakna hlanin Malsawm tawngtaina a neih hnuah inkhawm tin a ni.
Kan tarlan tawh angin Mizoram University hnuaia
Degree Course Exam 2022 ah Higher
and Technical Institute Mizoram (HATIM) in result an nei tha hle a, University
pumpuiah Topper pahnih- B.A. (English Subject)-ah Ruth C. Lalremsangi, Pu C.
Lalsiammawia fanu, College veng, Lawngtlai leh BCA ah Lalzarliana Kawlni, Pu
Vanlalruata Kawlni fapa, Serkawn, Lunglei te an ni a. An ni bak ah hian Stream
hrang hrang leh subject hrang hrang ah Top Ten-a lang mi 9 an nei bawk a ni.
(Read Related Post)
