Kum danga kan tih thin dan pangngaiin kumin September thla-ah beirual thuzir neih a ni leh dawn a. Kumin Beirual-ah hian “Krista Rilru” tih Rev. David Lalmalsawma Sailo ziak zir a ni ang. Zirlaibu hi chhut zawh fel niin, July 27, 2022 (Nilaini) zing dar 10:00 khan AGS Service Rev. R. Lalnunzira'n a tlangzarh.
Lehkhabu tlangzarh programme tawi hi BCM Headquarters Office, Morning Devotions zawh hnu-ah neih nghal a ni a, Rev. Dr. Lalzarliana, Director, Communications Department-in kaihruaiin, Zirlai bu ziaktu leh a chhuahtu Publication Board te Endiktute chungah lawmthu a sawi a, Kohhran hoten an hlawkpui ngei a beisei thu a sawi. Hemi hnu hian AGS Service Rev. R. Lalnunzira'n Pathian hnenah hlanin a tlangzarh a ni.
Kumin Beirual thuzir bu hi copy 20,000/- chhut a ni a, Aizawl Area leh Lawngtlai Area-ah te thawn chhuah turin buaipui mek a ni. Zirlai 10 awmin, September 1-10 chhunga zir tura ruahman a ni. Pathianni zingah pawh thupui zir dan tur indawta tar lan angin sermon “Krista rilru i pu ang u” tih thupui hmangin Pathian thuchah ngaithlak a ni ang. Kum dang ang bawkin Beirual thu zir hun chhung hi chuan tualchhung leh bialah programme dang siam lo turin Headquarters chuan Kohhran te a ngen a ni.