Rev Dr. R. Lalthanmawia, AGS Mission in Mission Field pathum a tlawh.

Rev. Dr. R. Lalthanmawia, Associate General Secretary Mission chu BCM Assembly leh Mission Board thu chhuak bawhzuiin, July 26-28, 2022 chhung khan Assam, West Bengal leh Bhutan lama rawngbawlna hmun te leh thawktute tlawhin a kal a,  Rev K. Lalnunsanga, Regional Director, Guwahati-in a țawiawm bawk.

July 26, 2022 Thawhlehniah Assam Field a Field Director Rev. Zonunvula Ralte awmna Dhubri a tlawh a, zanlamah Bethel Baptist Mission School-a thawktu te nen school kal zel dan turah titihona an nei.

 

July 27, 2022 Nilainiah Assam Field chhunga Debitola hmuna Mission station  tlawhin tukthuan an ei a, Missionary-te nen inkawmhona hun an hman zawhin BCM thawhpui Rabha Baptist Convention (RBC) Office tlawhin, RBC hruaitu te nen inkawmhona an nei a. Chawhnu lamah Rev R. Lalremruata awmna Jaigaon ah Missionary Retreat - a neih pui nghal a, Missionary te nen hlim tak leh hlawk takin hun an hmang a ni.

Ningaini vek hian West Bengal Field  Director Rev. H. Lalengmawia awmna Birpara tlawhin Zoram Baptist Mission School(ZBMS) a tlawh nghal a, Missionary-te nen Chawhlui kilhovin, tlai lamah Dipsing Academy awmna Mendabari lamah kal lehin, Missionary te nen inkawmhona an nei leh bawk.  July 28, 2022-ah Guwahti pan lehin Baptist House, Guwahati an thleng a, July 29-31 chhung hian Shillong-ah Mission Convention a hmanpui leh nghal dawn a ni.