Vawiin, July 28 2022 (Ningani) khan Senate of Serampore, College (University) atanga AICS a M.Th History Dept. zirna enfiah tura lo kal, Evaluation Team te chuan AICS-ah Zirtirtu leh zirlaite kawmin hun an hmang.
Serampore Collage (University) Evaluation Team te hi AICS Principal Rev. Dr. C. Vanlaldika leh zirtirtute bakah BCM aiawhin Rev. R. Lalrintluanga, ES Aizawl leh Rev. Dr. H. Lalthlamuana, ES Lawngtlai ten lo dawngsawngin, Inkawmhona an nei a. He hunah hian AICS a M.Th History zirna chungchanga an hriat duh leh an beiseina te AICS-in a tihhlawhtlin tur pawimawh hrang hrang te sawiin, zawhna leh chhana hun te hman a ni.
BCM hruaitute leh AICS zirtirtute bakah hian M.Th zirlaite kawmna nei nghalin, M.Th zirna bika AICS dinhmun an zawt bawk. Inkawmhona an neih zawh hian AICS hmunhma leh Building te en puiin, Library leh Class room te bakah Campus chhunga thil pawimawh hrang hrang te fanpui an ni bawk.
AICS-ah hian Department pahnih, New
Testament leh History-ah te M.Th zirna hawn ni tawh mah se, History Department
bikah hian provisional affiliation chauh an la nei a, tun tuma Evaluation Team
lo kal te hian AICS chu M.Th zirna atan full affiliation pek theih din hmunah a
din leh din loh an rawn enfiah.