#Serkawn Kohhran-in Mission Cunsultation an nei.
July 23 & 24 (Inrinni leh Pathianni) hmang khan Serkawn Kohhran chuan Upa Laltlankima Hnamler, Resource Person & Speaker-a hmangin Mission Consultation an nei a. Inrinni chawhma-ah Consultion hi tannin, nilengin Pathian thu atanga Chanchin Tha hril pawimawhna leh Chanchin Tha hril dan tur chungchang inzirtirna neiin hun hman a ni.
He hunah hian Kohhran hruaitu te leh Fellowship hrang hrang hruaitu te atangin mi 90 zet an kal khawm a ni. Inrinni zan, Pathianni zing leh Pathianni zanah te Speaker hnen atangin thuchah tha tak tak ngaihthlak thin a ni a, Pathianni Chawhnu-ah Kohhran pum huapin inpawlhona neih a ni bawk. Kohhran ten an hlutin an hlawkpui hle.
#Ramhlun Pastor Bial leh BCM Thaizawl ten Mission Convention an nei
#Ramhlun Pastor Bial, Aizawl chuan July 23 & 24 khan BCM Ramhlun ‘S’ ah Rev. Dr. R. Thanmawia, AGS Mission Speaker-a hmangin Mission Convention an nei a. Inrinni chawhma lamah Sermon Inkhawm neiin chawhnu lamah Mission Consultation programme hman a ni a. Rev. Dr. R. Lalthanmawia, AGS Mission leh Upa Dr.. Andrew Lalhmangaiha te Paper zirhona neiin, Mission rawngbawlna kawnga hmasawnn dan tur leh hlawk zawka rawngbawl dan tur te zirho a ni.
Pathianni zing leh pathianni zan-ah te Speaker hnen atangin thuchah tha tak tak ngaihthlak a nih bakah Zaipawl hrang hrang leh mimal zaithiam te hnen atangin Fakna hla tha tak tak inkhawm apiangin ngaihthlak thin a ni bawk. Pathianni chawhnu-ah Mission pual Inpawlhona neih a ni a, BCM Mission rawngbawl dan tlangpui leh report te Speaker hian a sawi a, sawihona hun tha tak neih a ni bawk.
#Thaizawl Kohhran-ah pawh hemi hun chhung vek hian Mission Director Rev. Lalremsiama Ralte, Speaker-a hmangin Missoin Convention an hmang a, Convention thupui atan “Ka rirh che u hi” (Johana 20:21) hman a ni.
Inrinni
zan, Pathianni zing leh Pathianni zanah te Inkhawmin Speaker hnen atangin
thuchah ngaihthlak a ni a, Tualchhung Kohhran Zaipawl leh Speaker tawiawmtu Pu
Lawmkima Kawlni ten fakna hla sa-in rawngbawlna an nei thin a, hlung takin hun
hman a ni a. Pathianni chawhnu-ah Mission Pualin Inpawlhona neih a ni bawk.
Hetah hian BCM Mission rawngbawlna hrang hrang te thlirhovin sawihona leh
zawhna leh chhanna hunt e hman a ni bawk. Kohhran hoten hlawkthlak an tiin,
kham lo takin an tiak ta a ni.
