Tunkar Ningani, July 28, 2022 khan Fellowship Department buatsaihin KNP Hruaitute Training pe tura ruat, KNP Trainers te inhmuhkhawmna, Headquarters Office, Committee Room No.-1 ah neih a ni a. He hunah hian Aizawl, Lunglei leh Lawngtlai Area-a KNP Trainers atana Fellowship Department-in a ruat te kal khawmin, Resource Personah Rbt. B. Singpari leh Upa K. Lalnuntluanga ten Training an pe a ni.
Chawhma lamah KNP Promoter K. Lalramthianghlimi'n tanna hun hmangin, thil pawimawh puan leh inhmelhriattiirna a nei a. Rev. ZD Rodingliana, Director, Fellowship Department-in thuchah tawi sawiin, Resource Person - Rbt B. Singpari’n “KNP Hruaitu tha ni tura thil pawimawh te’ tih thupui hmangin zirtirna a pe a, sawihona hun hman zui a ni. Chawhnu lamah Rev. R. Lalnunzira, AGS – Service-in thuchah tawi a sawi a, Resorce Person Upa K. Lalnuntluanga’n “Tunlai khawvel mila naupangte enkawl leh Krista hnena hruai” tih thupui hmangin zirtirna neiin sawihona hun hman a ni bawk.
Fellowship
Department chuan Kristian Naupang Pawl (KNP) zirtirtute hnena Training pe turin
Trainers atan mi 13 - Aizawl Area atang mi 4, Lawngtlai Area atang mi 3 leh
Headquarters (Lunglei) Area atang mi 6 te ruatin, heng Trainers te hian a tul
angin Bial leh Unit ah te KNP Hruaitu Seminar leh Training hrang hrangah KNP
hruaitute Training an pe leh chhawng dawn a ni. Chumi atan chuan
Headquarters-ah kokhawmin hriat tur pawimawh leh tul te in hrilhhriatna hi neih
thin a ni.