Nakum (2023)-a MṬKP Rorelna tur B.C.M Tuipui 'D' tlawhin MṬKP hruaitute an kal

July ni 23, Inrinni khan MṬKP hruaitu te chuan MṬKP ROREL, 2023 dawltu tur BCM Tuipui 'D' (Leite Pastor Bial) tlawhin hun an hmang a. MṬKP hruaitu te hi Office Bearers, Senior Adviser leh Executive Committee member te atang in an vaiin mi 19 an ni.

MTKP hruaitu te hi MṬKP Rorel, 2023 Organising Committee (BCM Tuipui 'D'), ṬKP Tuipui 'D' Unit hruaitute leh Bialtu Pastor te nen meeting an nei a. MṬKP President Upa R. Lalrochama'n meeting a kai hruai a, Rev. F. Zorinkhuma, Secretary MṬKP in hunserh hmangin, hunserh a hman zawhah MTKP lam atanga kalte hmel hriattirna hun a nei bawk. 

MṬKP Rorel dawltu tur kohhran Organising Committee Secretary Rbt.Vanlalhriata hnen aṭangin report ngaihthlak a nih bak ah, Oranising Committee member te inhmel hriattirna hun a nei a. Organising Committee hian budget atan ₹4,80,000/- an ruahman a. Sub-committee te indinin chak taka hma an lak mek thu report a ni.

Meeting ah hian MTKP Rorel 2023 atana hriat tur ṭul leh hma lak ngaite inhrilh hriatna leh sawi hona hun hman a ni a. Nl. J. Lalrintluangi, Treasurer MṬKP chuan BCM Tuipui 'D' kohhran chairman, Upa R. Laluara hnenah MṬKP ROREL dawltu ṭanpuina sum fai ₹50,000/- a hlan nghal bawk.