July 23, 2022 (Inrinni) khan Ṭhalai Kristian Pawl (ṬKP) Siaha West Pastor bial chuan Lawngtlai Area Ṭhalai Kristian Pawl Coordination Committee-in Lawngtlai Area in Blood Donation Calendar a siam bawhzuiin District Blood Bank Siaha-ah thisen an pe. Thisen petute hi mipa 15 leh hmeichhia 3, an vaiin mi 18 an ni.
TKP Siaha West Pastor Bialah hian Unit TKP pali (4) – TKP Lungpuk, TKP College Veng, TKP Meisatla leh TKP Town Church te an awm a, TKP member 209 an awm a ni. Kum 2013 atang khan kum tin thisen hi an pe thin a, kumin hi bial TKP anga tum 10 thisen an pekna a ni.
#Aizawl Central Pastor Bial te pawhin July 23 vek khan Aizawl area TKP Co ordination ruahmanna-in Blood Donation Camp an buatsaih bawk a. He hunah hian TKP member 85 vel kalkhawmin, Thisen pe thei Mipa 35 leh hmeichhia 5 –in thisen Unit 40 an pe a ni. Aizawl City Church Biak In Hall-ah thisen hi pe-in Aizawl Civil Hospital, Blood Bank-a thawk ten an lak chilh a ni.
