July 30, 2022 (Inrinni) khan TKP Day vawi 71-na pualinAizawl Area TKP Coordination Committee hmalaknain TKP Aizawl East Pastor Bial ten BCM Chanmari Kohhran Hall-ah Civil Hospital, Aizawl Blood Bank tan thisen unit 97 an pe.
Thisen pek hi zing dar 10:30am ah tanin Pu Lalzarzova, Asst. Secretary Bial TKP in a kaihhruai a, Upa Lalnunthara, Senior Adviser Bial TKP in hunserh a hmang. Tlai dar 3:30pm ah hun tawp siam niin Rbt. Isaac Laldawngliana, President, Bial TKP in lawmthu sawina neiin Upa RK. Ngurtinkhuma, Chairman Aizawl East Pastor Bial in lawmthu sawi tawngtainain a khar a ni.
Thisen pekna-ah hian Member kal tha Unit leh Thisen pe tam Unit lawmman pakhatna atanga pathumna thleng siam a ni a, member percentage atanga lak-in TKP Bethani Unit-in thisen hi an pe tam ber a, Chanmari Unit pahnihna leh Armed veng South pathumna an ni a. Lawmman te hi TKP Intawhkhawm huna sem turin ruahman a ni.
