Mizoram Baptist
Kohhran hruaitu te Rev. Dr. R. Zolawma, President, Rev. R.
Lalbiakliana, General Secretary leh a nupui Dr. Irene Colbert leh Pu
Lalruatkima, Administrative Officer te chu Baptist World Alliance
(BWA) Annual Gathering, July 10-15 chhunga Birmingham, USA-a kal te
chu ka hmasa Ningani, July 28 khan dam takin an lo thleng leh ta.
Annual Gathering-ah hian BWA hnuaia rawngbawlna peng hrang hrang-a hotute leh Region hrang hranga hruaitute an kal khawm a, General Council Meeting bakah BWA hnuaia Committee hrang hrang ten a hranin Meeting an nei nghal bawk a.
Tun tum
BWA Annual Gathering-ah hian Ram hrang
hrang aiawh an tel tha hle a, Khawvel pum huapa rawgnbawlna tur leh hmalakna
tur kawng hrang hrang chhawp chhuakin chung zingah chuan Russia-in Ukrain a run chu a dem thu leh
Khawvel ram hrang leh tangrual pawl te chu he Indona titawp tura chak zawka hma
la tura nawr leh Indona a vanga tuar mek te theihtawpa chhawm dawlna pek leh
tanpui ni se tih te, Myanmar Sipai Sorkar-in Thuneihna a pawng lak chu an duh
loh thu leh hemi avanga tuartute chu theihtawpa chhawmdawl te, Ukrain leh Myanmar buaina avanga tuartute tawngtaipui
leh tanpui tura Baptist Kohhran hmun hrang hrang sawmna te, Khawvelah Chi leh
Chi ingnhirnghona leh in thliarna a bo theihna tura hma lak ni se tih te chu
pawmin chak taka bawhzui an rel a ni.
BCM Team te
hian BWA hruaitute, Australia Baptist Mission hruaitute, Serving In Mission (SIM)
International hruaitute hmuin inkawmna hun an neihpui a, Rawngbawlho zelna
chungchang te an sawipui a, Tin, Chin Baptist unau te leh Zomi Baptist
hruaitute nen inkawmhona neiin rawngbawl ho dan tur te an sawipui bakah an Biak
In hrang hrangah te rawngbawlna hun an nei bawk.
