Relief & Development Department Director leh Coordinator te Pithapuram, Andra Pradesh ah an kal.

Relief & Development Department Director Rev. L. Vanlalsanga leh Coordinator Pu Lalrinawma te chu July 23, 2022 khan Relief & Development department tirh-a General Nursing & Midwifery (GNM)  leh B.Sc Nursing zir te kan tirh thinna Christian Medical Centre Pithapuram leh GTR Colege of Nursing, Kakinada, Andra Pradesh te tlawhin an kal a.  

Christian Medical Centre Pithapuram hotute nen inkawmna hun tha tak neiin Relief & Development rawngbawlna leh hmachhawp te an sawipui a, Zirlai te kan kualin, theih tawpa zirna bei tur leh hlawhtling ngei turin an fuih bawk.  GTR Colege of Nursing, Kakinada a an hotute pawh hmu-in, B.Sc Nursing zirna tur atan ruahmanna te an lo neihpui a, tha takin inkawmhona hun an nei bawk. 

Tun dinhmun ah CMC Pithapuram-ah hian Relief & Development chawm leh tirh-in zirlai mizo hmeichhia 35 an awm mek a, GTR College of Nursing ah erawh BSc Nursing zirlai kan khaihlak lai a ni a, zirlai in tir leh thuai tura ruahmanna siam mek a ni.  Director leh Coordinator te hi Tunkar Nilaini August ni 3 khan dam takin Mizoram an lo thleng leh a ni.