Thalai Kristian Pawl (TKP) din champha vawi 71-na chu July 30, 2022 khan Rampuma TKP Unit hrang hrangin hlung takin an hmang. Kumin TKP Day thupui chu “Intihsiakna tha chu bei rawh” (1 Timothea 6:12) tih a ni.
.jpeg)
TKP Day pual Inkhawm Programme hi Unit tinah siam a ni a. Unit tam zawk chuan zingkarah hnatlang thawkin vantlang hmun leh Biak In leh a chhehvel te an tifai a, Unit thenkhat chuan awmni khamin chhun lamah intihhlimna leh inelna thianghlim neiin an hmang a, Bial leh Unit thenkhat chuan Midangte nun chhan nan Blood Donation Camp buatsaihin thisen an pe bawk. Zan lam Inkhawm hunah MTKP atanga programme duansa angin Unit tinah hun hman a ni a. MTKP hrautite pawh Unit hrang hrangah insem darhin TKP Day hi an hmanpui a ni.
Unit hrang hrang report leh Bial Report te tarlan sen a nih loh avangin, TKP Day lawmna Programme hman dan thlalak hrang hrang kan dawn te kan han dah a, Thlalak kan hmuhte hi Unit hming diat diatin Caption pawh kan pe hlei thei lo a, visitors te hriatthiamna kan ngen nghal a ni.
TKP Day Thlalak dahkhawmna : TKP Day Album