Mission rawngbawlna chanchin thar

Sivasagar Baptist Association leh Madhya Assam Baptist Association te nen MOU ziak fel a ni.

July 29.2022 Khan, Baptist House Guwahaty ah Upper Assam Field-a Association pahnih, Sivasagar Baptist Association leh Madhya Assam Baptist Association te chu Assembly in a lo passed tawh angin Thawhhona Thuthlung (MOU) ziahpui an ni. 

Thawhhona thuthlung ziahna ah hian BCM atangin Rev. Dr. R. Lalthanmawia AGS-Mission a tel a, Sivasagar Baptist Association leh Madhya Assam Baptist Association atang hian an President leh Executive Secretary te tel in thawhhona thuthlung hi an ziak a. MOU ziakna ah hian Regional Director, Guwahaty Rev. K. Lalnunsanga, Upper Assam Field Director Rev. HS Lalramnghaka leh missionary dang pahnih an tel a ni.

 

Arunachal East Field, Yingkiong ah Thalai Pual Retreat Camp buatsaih a ni.

July ni 29-31 chhung khan Arunachal East Field, Yingkiong Kohhran Thalai pual ‘Retreat Camp’ buatsaih a ni a. He camp ah hian missionary te Jonus Lalnunenga, Vanlaltlanchhuaha leh Lalrohlua Fanai te chu speaker atan hman niin, hun an inhman chhawk a, thalai 50 chuang an tel.

United Galo Baptist Church, Women Organiser Lakluhna neih a ni.

July ni 31, Pathianni khan Arunachal East Field hnuaia Galo hnam te nena kan thawh hona, United Galo Baptist Association-a Hmeichhe Pawl enkawltu (Women Organiser) lakluhna inkhawm, Basar Arunachal ah neih a ni a. Lakluhna hi Tirbin-a Missionary thawklai Evangelist C.Pachhunga’n a nei a, Women Organiser atana lak luh hi AICS atanga BD chhuak Licha Doke a ni. Tun dinhmunah United Galo Baptist Church te nena kan thawh hona ah hian Missionary pahnih tir in, a ram mi thawktu pathum kan chawm mek a ni.

 

Ringthar

#July 31, 2022 Pathianni Khan, Upper Assam Field, Sivasagar Baptist Association hnuaiah ringthar baptisma Chang mi 4 an awm a, Baptisma hi a ram mi Evangelist ten an chantir a ni.

# July 31, 2022 Patiani chawhnu khan BCM Zohnuai Mission Committee leh Baptist Masihi
rawngbawlna-a ring thar pakhat chu  BCM Biak In, Zohnuaiah Baptisma chantir a ni a. Rev. Israel Lalremtluanga, Director, Baptist Masihi Mission-in Baptisma hi chantirin, Lalpa zanriah (Sarament) a buatsaih nghal a. Masihi Evangelist te leh Zohnuai Kohhran hruaitute leh Mission Committee member ten an telpui a ni.