Asia Pacific Baptist Youth hruaitu te chu August thla chawhma chhung hian nakum 2024-a Asia Pacific Baptist Youth Conference neihna tur ram Malaysia-ah inhmukhawmin, Conference neihna tur hmunhma te ngaihtuaha rel fel turin hun an hmang mek a. He meetinga tel tur hian APBY Vice President Rbt Jacob Vanlaltana Khiangte pawhin August 2, 2022 khan ni 10 cham turin Malaysia panin Mizoram a chhuahsan a. Ani bakah hian Australia atangin APBY President Rev. Steve Dixon leh Indonesia atangin APBF Mission Director Rev. Ardi Wiriadinata te an kal dawn bawk a ni.
Asia Baptist Thalai hruaitu te hi 2024-a APBY Conference neih na tur hmun thlan fel bakah hemi ruala Malaysia ram chhunga Baptist Mission field hrang hrang tlawh theih dan tur ruahmanna te enfiahin an kal khawm a. Conference organising team te nen meeting neiin APBY Conference neih na tur hmun atana rawtna awm sa te endikin an thlang fel ang.
APBY team te hian Kuala Lumpur, Ipoh leh Kuching thliarkar te an fang kual dawn a. 2024 APBY Conference ah hian inkhawmpui programme piah lamah Malaysia a Baptist Missionary te rawngbawlna hmun thenkhat a short-term Mission hna thawh theihna kawng hawng tura ruahmanna te siam tum a ni a, hemi chungchang hi an enfiahin an thlirho dawn a ni.
.jpeg)
