July Ni 31, Pathianni khan Ṭhalai Kristian Pawl Ṭhuampui Pastor Bial te chuan a vawikhat nan Bial ṬKP Joint Fellowship BCM Biak In, Muanna ah neih a ni a, he hun ah hian Speaker hran nei lovin Pathianni Zing ah Senior Adviser Upa Lalremsiama Sailo hnen aṭangin thuchah ngaihthlak a ni.
Aizawl Area ṬKP Co-Ordination Committee hruaitute hnen aṭangin thusawi tawi ngaihthlak a ni a, Aizawl Area TKP Meet awm tur atana sawmna ngaihthlak a ni. Chawhnu fellowship hlimawm tak hman chhunzawm niin bial chhung aṭanga zaithiam tak tak te leh group zai te ngaihthlak a ni a, skit hmuhnawm tak en niin Senior Adviser Upa Sawichhunga hnen aṭangin thuchah tawi ngaihthlak a ni bawk.
Zan lamah Fakna Inkhawm (Praise & Worship) a ni a,
Zaipawl bak ah bial chhung aṭanga zai
thiam tak tak te aṭangin fakna hla ngaihthlak a ni a, Bial pawn atanga zai tura
sawm Jonathan Lianhna in zaia rawngbawlna a nei bawk. Bial TKP hruaitute aṭangin
thusawi tawi ngaihthlak a nih bak ah BCM Recognised Speaker Rbt. Andrew Lalhmachhuana
(Team Logos) hnen aṭangin Pathian thuchah ropui tak ngaihthlak a ni bawk.
