Mizoram Baptist Kohhran Administrative Committee Meeting, June 1, 2022 (Thawhlehni)-a neih chuan Education Department Committee atanga ruahmanna leh dilna a ngaihtuah a. Kum 2022 Assembly-in Baptist English School, Extension siam ni se ti-a a rel bawhzuiin, kum 2023 Session atanga tan theih turin ruahmanna a kalpui mek a. Hemi atana Centenary Building luah an dilna chu Administrative Committee in a rem ti.
Thu rel dang zing ah, Mizoram Sorkar, Social Welfare Department atanga RPWD (Rights of Persons with Disabilities) Act, 2016 hnuaia Rualbanlote hamthatna chungchanga hma la tur District Level Committee on Disability, Lunglei leh Hnahthial District ah te member pakhat ve ve BCM hruaitu te atanga ruat tura an sawmna chu ngaihtuah a ni a. Lunglei District Committee member atan Associate General Secretary – Service leh Hnahthial District Committee member atan Bialtu Lastor, Hnahthial North Pastor Bial chu an ruat bawk.
BCM Thurin Puan chhuah Assembly 2022 in a pawm tawh chhuizauna (Commentary) ennawna a tul anga hma la turin Publication Board ah mawhphurhna a pe a. Kohhran harsa, Biak In sa mek te tanpui tura dilna lo lut te chu an Kohhran dinhmun thlirin sum remchan anga pek remtih a ni a, Baptist House, Upper Khatla, Aizawl tan Care Taker thar Nl. Laldinpuii chu lak a nih thu report a ni bawk.