Tunkar Nilaini, June 8, 2022 chawhma dar 11:00 khan BCM Committee room-1 ah Social Concern Department Committee Meeting neih a ni a. Meeting hi President Rev. Dr. R. Zolawma’n kaihruaiin Manager BCO, Manager Counselling Centre leh Manager Chhawmdawlna In ten Report an pe a. Report tlangpui hetiang hi a ni-
Baptist Counselling Centre ah thawktu pahnih an awm mek a, Kum 2021-2022 chhungin Counselling Centre pantu - mipa – 32 leh hmeichhia -27 an vaiin mi 59 an nei . Counselling Centre hi thawhtanni atanga zirtawpni thleng in BC office kai hun pangngai angin hawn thin a ni a. Counselling mamawha rawn pantu te an lo dawnsawn bak ah, a tul angin Centre rawn pan theilote pawh an awmnaah pan thin an nih thu report a ni bawk.
Baptist Church Orphanage (Baptist Church Orphanage) ah naupang enkawl an nih bak ah, kum in (2022) atangin BRCA (Baptist Church Resources Centre - Adoption Agency) kalpui a ni a. Naupang 12 enkawl mek an ni a, BCRA-ah naupang pakhat enkawl mek a ni bawk. Thawktu BCO leh BCRA ah mi 11 ve ve awm in, an vaiin mi 22 thawktu an awm mek a ni.
Chhawmdawlna
In kumin 2022 ah mi 123 admit –in, mi 52 te awm hunchhung awm tlingtla lovin an
chhuak a, mi 12 te an awm chhung hunbi awm kima release an ni. Tun dinhmun ah mipa 48 leh hmei chhia
11, an vaiin mi 59 enkawl lai an awm mek a. Thawktu hi mi 22 an ni.
Meeting
thurel zingah BCO pualin Kohhran hote hnenah BCO dinhmun leh rawngbawlna
chanchin te inhrilh hriat thar lehna atan Awareness Campaign neih ni se tih te,
Baptist Counselling Centre in awmze nei leh zau zawka hma a lak theih nan
Tualchhung Kohhran hrang hranga Counsellor te nen thawkhova rawngbawlna neih
theih dan kawng zawn ni se tih te, Planning Commission ruhmanna bawhzuina
HIV/AIDS Awareness Campaign programme ruahmanna siam te a tel a ni.