June 3-5, 2022 (Zirtawpni – Pathianni) chhung khan Lawngtlai East Pastor Bial te chuan Bial Mission Committee buatsaihin Mission Consultation, BCM Biak In Nazareth, Council Veng-ah an nei a. Mission Consultation hi Inrinni chhunah seminar anga hun hmang in paper present zirho a ni a, Zirtawpni zan, Inrinni zan, Pathianni zing leh zanah te Pathian biak Inkhawm neih thin a ni thung.
Speaker atan Rev. Lalzarliana Khiangte, Lawngtlai East Bialtu Pastor hman a ni a. Mission Consultation neih chhung hian Bial chhung Kohhran Zaipawl hrang hrang Nazareth, Vengpui, Immanuel, Zion, Bazar te leh Lawngtlai East Bial Zaipawl leh Lawngtlai Area Baptist Zaipawl bakah, mimal Nl. Emily Laldinmuani, Nl.Vanlaldini, Nl. Elizabeth K. Lalbiakhluni leh Nl. H. Lalvenhimi ten Pathian faka rawngbawlna an nei thin a ni.