June ni 8, tunkar nilaini khan AICS chuan Session thar (2022-2023) tan in, Mizoram leh ram pawn hmun hrang hrang atangin zirlai ten Campus an thleng a. June ni 9 atanga ni 11 chhung hian zirlai lut thar, kum khatna bul tan tur te tana thil pawimawh inkhawhhmuhna hrang hrang leh AICS tih dan phung pangngai a, zirlai zawng zawng ten an chawlh chhunga an hun hman dan chungchanga interview runpui bak ah Faculty Meeting te neih a ni a.
Pathianni June ni 12 hian Seesion thar atana Pathian hnena inhlanna leh lawmthu sawina inkhawm neih a ni ang a, June ni 13 atangin Class kalpui tan a ni ang. June ni 7, thawhlehni khan BKHP, Mission Vengthlang Pastor Bial, Aizawl te chuan AICS tihchangtlun nan tanpuina pawisa fai Rs. 24,730/- an hlan a. Thil pek hi Bial BKHP hruaitu ten AICS Principal Rev.Dr.C.Vanlaldika hnenah an hlan a ni.