Fellowship Department Committee chu June 2, 2022 chawhma dar 10:30 khan Sap Upa leh Pu Buanga Hall, Serkawn-ah an thukhawm a. Meeting hi Rev. Dr. R. Zolawma, President-in a kaihruai a, FOD Director Rev. ZD Rodingliana’n report tlangpui a pe.
.jpeg)
Director report in Fellowship hrang hranga member neih dan tarlangin – BKHP-ah member 32401, TKP ah – Member 45101, BMP member 16170 leh KNP member 32,348 an awm a. Director bakah hian BKHP, TKP, BMP Secretary te leh KNP Promoter ten Report an pe bawk.
Meeting hian Aizawl leh Lawngtlai Area-a Fellowship pathum, TKP, BMP leh BKHP Coordination Committee hming ziak dan ti chiangin “Aizawl Area TKP/BMP/BKHP Coordination Committee” leh “Lawngtlai Area TKP/BMP/BKHP Coordination Committee” ti-a ziak tur ti in a rel a.
KNP Chanchinbu - Naupangte Thian Editorial Board member ruat thar-in Editor-ah K. Lalramthianghlimi, KNP Promoter, Jt. Editor-ah Dr. F. Lalrinzuali, Ramhlun ‘N’ Aizawl, leh Nl. Lalhmangaihkimi, Lunglei, Venglai, Circulation Staff -ah Pi. C. Zothansangi, Aizawl leh Pu T. Vanlaldika, Lawngtlai te ruat an ni. Circulation Manager chu KNP Promoter hna pangngai anga kalpui zel a ni bawk ang.
Fellowship hrang hrang – BKHP, KNP, TKP
leh BMP te Bial leh Unit Flag an sem chhuah thin chu a man in ang tlang-a pek
chhuah tawh ni se tih a ni a. Unit Flag man Rs. 800/- leh Bial Flag man atan
cheng 1,000/- ni se ti a rel a ni. 2023 leh 2024 atan KNP Thuzir ziaktu tur leh
Zirlai thupui tur te lo ngaihtuah a hma lo la turin Fellowship Dept. Director,
MBKHP Secretary, MTKP Secretary leh KNP Promoter te ruat an ni.
.jpeg)