June 3, 2022 (Zirtawpni) khan Area Development Committee Aizawl chuan BCM Biak In CHanmari ah committee meeting nei in Committee member 46 an tel thei a. Rev. JC. Vanlalluaia Chairman, Area Development Committee Aizawl in kaihruaiin Rev. R. Lalrintluanga Secretary, Area Development Committee Aizawl in report a pe.
Secretary Report chuan April 8, 2022 ah
Executive Secretary, Aizawl Area Charge a lak thu leh April 20-ah ES Quarters
an luah thu te, Phuaibuang khua rial leh ruahin a tihchhiat chhungkua te tanpui
nan Rs. 136000/- leh Rangva charna Roll 15 pek an nih thu te. ADCA Working
Committee hmingin Fakland-a Kohhran ding thar puala Special Appeal Rs.
500,000/- siam chu Aizawl khawpui chhung Pastor Bial ah te sem darh a nih thu a
tarlang bawk.
Meeting thu rel zingah, Baptist
Multipurpose Centre rama kawngpui an lai-ah dawr siam na atana in sak dan tur
ruahman te, Khawpui kohhran ten thingtlang lam Kohhran harsa zawk te tlawha
tanpui thin nise tih te, Kohhran than
zelna (Church Expansion) chungchangah hma lak zel nise tih te a tel.