Kar hmasa Zirtawpni, June 3, 2022 khan Mizoram Baptist Kohhran, Sethlun chuan an Kohhran Din thar lehna (1962) atanga kum 60 tlin champha phak (Diamond Jubilee) an lawm.
Jubilee lawmna hi Chawhma dar 10:00 ah tan
a ni a, Inkhawm tan hma-in Jubilee Dar vuak niin, Diamond Jubilee Monument,
Biak In kawta siam chu Bialtu Pastor Rev. H. Lalremruata’n a hawng a. Biak In
chhungah lutin Jubilee lawman Inkhawm neih zui nghal a ni. Jubillee lawmna hi
BCM hruaitu ten hmanpui in, AGS Mission Rev. Dr. R. Lalthanmawia'n Jubillee
chibaibukna sawi in, General Secretary Rev. R. Lalbiakliana'n Pathian Thuchah a
sawi. Tlaiah Kohran pum huapin Jubilee ruai kilho a ni a, Zan-ah Inkhawmna nei
lehin Rev. R. Lalnunzira, AGS – Service-in thuchah a sawi.
Kum 1902 ah Pukpui atanga Kristian hmasa te Sethluna an pem phei khan an in leh lo an buatsaih hma-in Inkhawmna tur Biak In sa in bul an tan a. Hemi atang hian Kohhran pangngai anga kalin Inkhawm leh Inpawlhona te an nei thin a. Sethlunah hian kum 8 an awm hnuah, Theiriat Tlangah an insawn chho ta a. Sethlun Kohhran leh khua chu rauh sanin hun rei tak a awm ta a. Kum 1962-ah Tuna Sethlun Kohhran leh khua hi luah lut lehin hemi atang hian Khawhmun nghet leh Kohhran ngelnghet tak an lo ni ta a ni. Tun-ah hian Chhungkaw 166 –ah Kohhran member 787 an aw mek a, Kohhran Upa 14 leh Rawgbawltu 10 an awm a ni.
