June 4 atanga ni 5 inkar khan Christian Education buatsaih in Pastor Bial hrang hrang pali ah Sunday School Seminar hetiang hian hman a ni.
#Siaha
East Bial: BCM Biak in, New Siaha ah Sunday School
Seminar hi neih a ni a, Sunday School trainer - Upa M. Thansiama leh Rbt. C
Malsawmkima ten Seminar hi an hmanpui a. Inrinni nilengin hun hman a ni a,
Siaha East Pastor Bial kohhran pathum atangin Sunday School zirtirtu te leh
puipa te bak ah, Bial Sunday School puipa te Seminar ah hian an tel a ni.
Inrinni zan, Pathianni zing leh zan ah te Bial chhung kohhran hrang hrang ah
Trainer te hian Pathian thuchah sawi in hun an hmang bawk.
#Lungrang
Bial : BCM Biak in, Siloam-ah Sunday School Training
& Seminar hi neih a ni a. Rbt. B. Singpari, Sunday School Promoter leh Sunday School trainer - Upa Upa Hmingthanzual
te bakah Zaia rawngbawl in Nl.
Lalhlumawii (Bi-Te-i) ten Seminar hi an hmanpui a. Inrinni ni lengin hman a ni
a, Lungrang Bial chhunga kohhran hrang hrang atangin Sunday School zirtirtu te
leh puipa te bak ah, Bial Sunday School puipa te nen an vaiin mi 50 an kal. Pathianni zing leh
zan ah te Bial chhunga kohhran pali – S. Lungrang, Siloam, Lalnutui leh
Nazareth Kohhranah te Sunday School Campaign nei chhun zawmin Resource person
pahnih te hian thuchah an sawi a ni.
Thawhtanni cham chhunzawmin, Chawhma lamah Lungrang khaw chhunga Hig School leh Middle School-ah te Drugs awareness Campaign neiin Upa Hmingthanzuala’n thu a sawi a, Chawhnu lamah a mamawh te tan Counselling neih zui nghal a ni a, Thawhtan zanah Siloam Biak Inah Inkhawmin Resource Person te hian hun an hmang chhunzawm leh a ni.
Buarpui
‘N’ Bial: BCM Biak In, Dengsur-ah Sunday School Training
& Seminar hi neih a ni a. Sunday School Trainer Upa V. Lalkhuma leh Upa F.
Thasiama ten Training hi neihpuiin, Inrinni nilengin hun an hmang a, Bial
chhung Kohhran hrang hrang atangin SS zirtirtu leh hruaitu mi 79 zet an kal
khawm a ni. Pathianni-ah Sunday School Campaign neih chhunzawm in Bial chhunga
Kohhran hrang hrangah Thuchah an sawi bawk.
#Paithar
Pastor Bial: BCM Kawlchaw East ah SS Training & Seminar
hi neih a ni a, Inrinni nilenga hun hman a ni. Sunday School Trainer pahnih Upa
. H. Thangrivunga leh Upa C. Lalremsiama ten Training hi neihpuiin Nl. Jenifer
Lalruatfeli’n zaia rawngbawlna a nei bawk. Training ah hian Bial chhung Kohhran
hrang hrang atangin SS hruaitu leh zirtirtu mi 56 an tel thei a, Training hlawk
tak an hmang. Inrinni tlaiah an tin darh leh ta a ni.
