BHSS atanga HSSLC Exam 2022-a Distinction a pass mi 29 te Lawmpuina Hun Hman ani

June 3, 2022, Zirtawpni khan Baptist Higher Secondary School chuan HSSLC Exam 2022-a Distinction-a passed te Lawmpuina Hun Tucker Hall ah an nei. 

Zirlai tithate lawmpuina Inkhawm hi Vice Principal Upa R Lalneihthanga’n hi kaihruaiin, Zirlai te fuihna leh Lawmpuina thuchah  Rev. R. Lalnunzira, AGS – Service-in sawiin, Zirlai titha, Distiction-a pass mi 29 te hnenah lawmpuina thilpek  a hlan a. Pu R. Zosangliana, Principal, BHSS in lawmthusawina leh zirlaite fuihna a nei bawk.

Kan tarlan tawh ang in Baptist Higher Secondary School atang hian zirlai exam 271 (82.62 %) ten hlawhtlinna an chang a. Lalnunpuii (D/o Rev. Joseph Vanlalruata) chuan Geography Subject ah mark 96 hmu in exam zawng zawng zing ah a hmu sang ber a ni. Distinction-a passed te hi Arts Stream atangin mi 17, Science atangin 7 leh Commerce atangin mi 5 te an ni. Arts-ah hian za zelah 92%,  Science ah za zelah 74% leh  Commerce ah za zelah 70% in hlawhtlinna an chang a ni.